Colleita vermella

Colleita vermella
Título orixinal	Red Harvest
Autor/a	Dashiell Hammett
Orixe	Estados Unidos
Lingua	inglés
Xénero(s)	Novela negra
Editorial	Alfred A. Knopf, Inc. Editorial Hugin e Munin
Data de pub.	1929 2016
ISBN	ISBN 978-84-944503-3-2
Tradución	Diego Ameixeiras
[ editar datos en Wikidata ]

Colleita vermella^[1] (en inglés: Red Harvest) é a primeira novela do autor estadounidense Dashiell Hammett, publicada por Alfred A. Knopf, Inc. o 1 de febreiro de 1929. A obra está inspirada nunha cidade mineira do estado de Montana rebautizada como Personville e chamada despectivamente (e en alusión á corrupción imperante)^[2] Poisonville ("Cidade-Veleno") polo narrador e protagonista, o Axente da Continental. O primeiro libro de Hammett foi serializado na revista Black Mask en catro entregas mensuais.

Estilisticamente, coas súas frases breves e os seus diálogos nos que os personaxes intercambian continuos lategazos e coas súas escenas de tiroteos, emboscadas e persecucións, Colleita vermella supuxo un dos primeiros exemplos do encontro dos relatos de detectives e a linguaxe cinematográfica. Ademais, Hammett rompeu coa tradición do detective que resolve os casos a través da lóxica e a dedución, tipo Auguste Dupin ou Sherlock Holmes, e presenta un personaxe típico das novelas Hard Boiled^[3], un tipo que, aínda que posúe un extraordinario don da observación, resolve os casos pateando as rúas na busca de información e que é capaz de manipular a realidade ao seu antollo.

Foi traducido ao galego por Diego Ameixeiras,^[4] e publicado por Editorial Hugin e Munin en 2016.^[1]

1. ↑ ^{1,0 1,1} Hammett, Dashiell (2016). Colleita vermella. Traducido por Diego Ameixeiras (1ª ed.). Santiago de Compostela: Editorial Hugin e Munin. ISBN 9788494540332. 
2. ↑ Mais que a história, forte deste Hammett é a linguagem, recensión da edición brasileira da obra na Folha de São Paulo o 24 de agosto de 2002 (en portugués).
3. ↑ Hardboiled, Terse, Straightforward Arquivado 14 de decembro de 2017 en Wayback Machine., análise da obra no sitio web de documentación académica e estudantil Shmoop.com (en inglés).
4. ↑ Editorial Hugin e Munin (ed.). "Catálogo da Editorial Hugin e Munin (actualizado o 1 de xaneiro de 2019)" (PDF). p. 42. Arquivado dende o orixinal (PDF) o 03 de abril de 2019. Consultado o 26 de marzo de 2019.